Visitas...

19 de ene. de 2015

SINGS OF THE SEVENTIES de Lawrence Impey

Dende o pasado sábado 17, ata o sábado 14 de febreiro, podedes disfrutar dunha interesante exposición de fotografías de Lawrence Impey na nosa Sala. 


Trátase de fotografías da década dos 70 que recollen aspectos da cultura popular londinense neses anos coa visión particular do autor.

Non perdades oportunidade de visitala.

2 de ene. de 2015

Actividades do fin de semana

Esta fin de semana recordámosvos a nosa carteleira:

Venres 2, ás 20:30h, no Salón de Actos "DUDAS E RESPOSTAS EN CARDIOLOXÍA: UNHA VISIÓN PRÁCTICA", conferencia de Eduardo e Gonzalo Barge Caballero, fillos dos nosos socios José Antonio e Pilar, especialistas en cardioloxía.

Sábado 3, ás 23:30h na Sala de Actividades, concerto de 33 R.P.M. Grupo de música local co que pasaremos un bo rato na primeira hora do sábado-noite.

Domingo 4, teremos dúas charlas no Baixocuberta da entidade, organizadas pola mocedade do Carballiño, a primeira ás 18:00h sobre "ANIMALISMO" e a segunda ás 20:00h sobre "O FUTURO DO GALEGO".

Esperamos sexan do voso agrado e poidades asistir para facer delas o máis amenas posible, ademáis de acompañar ós tertulianos e grupo.

Saúdos e bo inicio de 2015.

24 de dic. de 2014

Próximas actividades de Nadal

Transmitímosvos nesta entrada os próximos eventos a celebrar no Casino ata fin de ano...

Este vindeiro venres 26, ás 20:30h, no Salón de Actos, celebraremos a presentación literaria na vila do libro "CONTOS DO MAR DE IRLANDA", coa presencia de Xurxo Souto.


Xa o sábado 27, visitaránnos "OS CEMPÉS", cos que poderemos compartir un obradoiro, (5€) de baile ás 19:30h na Sala de Actividades e posterior Baile/concerto (5€) ás 22:00h. Entre medias, ás 21:00h, ós participantes no obradoiro ofreceráselles algo para picar e coller forzas para a posterior posta en práctica do aprendido...



Posteriormente, o Domingo 28, a CORAL POLIFÓNICA do Casino e maila BANDA de MÚSICA XUVENIL de Vilatuxe, ofrecerán o seu tradicional Concerto de Nadal na Sala de Actividades ás 20:30h.

Finalmente, o 31, os nosos socios, unha vez rematen de toma-las uvas nas súas casas, poderán disfrutar da mellor música na nosa FESTA FIN DE ANO.